Гуниг биш дуу аялж явах орчлонд
Гутал нь тоостой залуу хүнийг хармааргүй байна
Гал бутарсан харцтай залуу хүнийг
Галзуу улаан дарсаар биш мэдлэгээр төсөөлмөөр байна.
Оюунаа цангааж тамхи баагиулаад биш
Олдсон дээр нь залуу насанд сурж авмаар
Зүү барьж утас сүвлэх үйлчин болох албагүй
Зүгээр л хувцасаа өөрөө урлаад явмаар
Амьдралын гашууныг номноос уншиж
Аяа тэрнийгээ сөрж амьдар
Бэрхшээл гэдгийг биеэрээ мэдэрч
Бууж өгөлгүй давж амьдар
Зүрхээр зэвсэг хийж
Зоригоор бүхнийг ялж амьдар
Зорилго гэдгийг өмнөө тавьж
Зорисон зүйлдээ хүрч амьдар.........
Итгэл гээчийг дээдэлж амьдар
Инээд алдан баясаж амьдар
Гунихдаа биш баярлаад дуулж амьдар
Гутарсан биш галтай харцаар төөнөж амьдар........
No comments:
Post a Comment